Denis Istomin Tailand turnirini g'alaba bilan boshladi

Turnirda tajribali tennischimiz Denis Istomin ham o'z imkoniyatlarini sinovdan o'tkazyapti.

Biroz avval Istomin turnirning 1/16 bosqichi doirasida avstraliyalik Deyn Suiniga qarshi kortga chiqdi. 1 soatu 15 daqiqa davom etgan uchrashuvda hamyurtimiz musobaqada 7-raqam ostida saralangan raqibini 6/2, 6/3 hisobida mag'lub etib, 1/8 finalga yo'l oldi. 

Taqqoslash uchun, ayni vaqtda Istomin ATR reytingida 435, Suini esa 326-o'rinni egallab turibdi. 

Endi Istomin keyingi bosqichda ATR reytingida 367-o'rinni egallab turgan, avtraliyalik Omar Yasikaga qarshi bahs olib boradi. Uchrashuv ertaga bo'lib o'tadi.