Denis Istomin va Olga Zabelinskayaga 100 million so'mdan pul mukofoti taqdim etildi

Ayni paytga kelib, O'zbekiston terma jamoasi vakillarining ham mazkur musobaqaga qo'lga kiritgan yo'llanmalari mavjud. Bugun Jismoniy tarbiya va sport vazirligida Tokio-2020ga licenziya qo'lga kiritgan sportchilarimizni taqdirlash marosimi bo'lib o'tdi. Mazkur tadbirda O'zbekiston Milliy olimpiya qo'mitasi prezidenti Rustam SHoabdurahmonov va Jismoniy tarbiya va sport vaziri Dilmurod Nabiev ham ishtirok etdi. Bu haqida MOQ matbuot xizmati xabar qilmoqda. 

Bugungi kunga kelib, delegaciyamiz Tokioda o'tadigan XXXII yozgi Olimpiya o'yinlari uchun 2 ta, XVI Paralimpiya o'yinlari uchun 1 ta yo'llanma qo'lga kiritgan. Mazkur tadbirda 3 nafar qahramonimiz: Denis Istomin (tennis), Olga Zabelinskaya (velosport) va Server Ibragimov (Paralimpiya o'q otishi)100 million, ularning murabbiylari esa 50 million so'm miqdoridagi pul mukofoti bilan taqdirlanishdi. Pul mukofoti va sertifikatlar o'zbek sportining faxriylari Komiljon Xudoyberganov va Vasiliy Korbut tomonidan taqdim qilindi.

Hozirda Olga Zabelinskaya hamda Server Ibragimov oldinda turgan yirik musobaqalarga tayyorlanayotgani uchun bugungi tadbirda ishtirok eta olishmadi. Ularga topshirilgan mukofot pullari esa federaciya rasmiylari orqali eltib beriladi. Hukumatimiz tomonidan ko'rsatilayotgan bunday etibor Olimpiada licenziyasi uchun kurash olib borayotgan qolgan atletlarimizga qo'shimcha motivaciya berishini alohida takidlash joiz. Tantanali tadbir yakunlanganidan so'ng shu erning o'zida federaciyalar rahbariyati ishtirokida yangi sport obektlarini qurish mavzusiga bag'ishlangan yig'ilish o'tkazildi.