Denis Istomin yarim final chiptasi uchun kortga chiqdi

Xabar berganimizdek, ushbu nufuzli musobaqada hamyurtimiz Denis Istomin ham muvaffaqiyatli tarzda ishtirok etyapti. Mamlakatimizning birinchi raqamli tennischisi kecha 2 soatu 11 daqiqa davom ikkinchi davra bahsida turnirning ikkinchi raketkasi germaniyalik Filip Kolshrayberni 5:7, 6:3, 6:1 hisobida mag'lub etgandi.

Hozirgina yakuniga etgan chorak final uchrashuvida Istomin yarim final chiptasi uchun yana bir germaniyalik tennischi Maksimilyan Martererga qarshi kortga chiqdi. Ikki set davom etgan bahsda Istomin kuchli raqibini 6:3, 6:3 hisobida mag'lub etib, yarim final yo'llanmasini qo'lga kiritdi.

Taqqoslash uchun, Denis jahon reytingida 95, Maksimilyan esa 47-o'rinni egallab turibdi. Tennischilar shu kungacha o'zaro ikki bor to'qnash kelishgan. Uchrashuvlarning birida hamyurtimiz, ikkinchisida esa germaniyalik tennischining qo'li baland kelgandi. Bugun Istomin hisobda oldinga chiqib oldi.