06 sen 08:58
Yangiliklar

Tennis

Denis Istominning 1/8 finaldagi raqibi malum bo'ldi

Xabar berganimizdek, shu kunlarda AQSHning CHikago shahrida mukofot jamg'armasi 150 000 AQSH dollarini tashkil qiluvchi musobaqa davom etmoqda.

Ushbu “CHellenjer” turkumiga kiruvchi turnirda hamyurtimiz Denis Istomin ham ishtirok etyapti. Mamlakatimizning birinchi raketkasi Denis Istomin yakkalik bahslarining ilk davrasida salvadorlik Marselo Arevaloni 6:4, 6:1 hisobida mag'lub etgandi.

Endi Denis nimchorak final uchrashuvida amerikalik Tommi Polga qarshi kortga chiqadi. Dunyo reytingida 370-o'rinni egallab turgan Polga musobaqa tashkilotchilari asosiy to'rda qatnashish huquqini beruvchi imtiyozli yo'llanma taqdim etishgan.

Tommi ilk davrada reytingda 711-pog'onadan joy olgan Janubiy Afrika Respublikasi vakili Ruan Rolofsdan 6:3, 6:2 hisobida ustun keldi. Denis Istomin ATP reytingida 76-o'rinni egallab turibdi.