Denis Istominning final ostonasidagi raqibi malum

Sovrin jamg'armasi 150 000 AQSH dollarini tashkil qiluvchi ushbu turnirda bugun yarim final uchrashuvlari o'tkaziladi. Finalga chipta beruvchi ushbu ikki uchrashuvning biri hamyurtimiz Denis Istomin ishtirokida bo'lib o'tadi. 

Musobaqaning ikkinchi raketkasi sifatida etirof etilgan Istomin kecha tunda turnirda oltinchi raqam ostida harakat qilgan belgiyalik Rubin Bemelmansni 1 soatu 14 daqiqa davom etgan chorak final uchrashuvida 6:3, 6:4 hisobida mag'lub etgandi. 

Mamlakatimizning birinchi raketkasi bugun yarim finalda amerikalik 25 yoshli Born Fratanjeloga qarshi kortga chiqadi. Uchrashuv Toshkent vaqti bilan soat 21:30da boshlanadi. Denis dunyo reytingida 76, Fratanjelo esa 175-o'rinni egallab turibdi. Tennischilar shu kungacha o'zaro to'qnash kelishmagan.