“Devis Kubogi”. Franciya – Xorvatiya - 0:2. Mehmonlar chempionlikka yaqin!

Bosh sovrin uchun uchun Franciya va Xorvatiya terma jamoalari o'zaro kortga chiqishyapti. Kecha “Lill” klubiga qarashli stadionda yakkalik bahslari dorasidagi dastlabki ikkita uchrashuv o'tkazildi va ularning har ikkisida ham mehmonlar zafar quchishdi.

Kort egasi Jeremi SHardi dunyoning 12-raketkasi bo'lgan Borna CHorichga qarshi kortga chiqdi. Reytingning 40-pog'onasidan joy olgan SHardi 2 soatu 19 daqiqa davom etgan uchrashuvda raqibiga 2/6, 5/7, 4/6 hisobida imkoniyatni boy berdi.

Kunning ikkinchi bahsida esa Jo-Vilfrid Tsonga ham mag'lubiyat alamini totib ko'rdi. U Marin CHilichga 3:6, 5:7, 4:6 yutqazib, terma jamoasini og'ir vaziyatga solib qo'ydi. Bugun juftlik uchrashuvi o'tkaziladi. Agar bugun ham xorvatiyalik tennischilar g'alaba qlzonishsa, u holda muddatidan avval Devis Kubogi-2018 g'olibiga aylanishadi. 

SHanba, 24 noyabr. Juftlik

Per-Yuge Erber/Nikolya Mayu - Matte Pavich/Ivan Dodig

Yakshanba, 25 noyabr. Yakkalik

Jeremi SHardi - Marin CHilich

Jo-Vilfrid Tsonga - Borna CHorich