15 iyu 09:57
Yangiliklar

Tennis

Donna Vekichning g'olibona yurishi davom etadi

Dunyoning 22-raketkasi Donna Vekich Nottingem shahrida o'tkazilayotgan turnirning yarim finaliga yo'l oldi.

Xorvatiyalik 22 yoshli tennischi chorak final uchrashuvida reytingning 48-pog'onasidan joy olib turgan franciyalik Kristin Mladenovichga qarshi kortga chiqdi va raqibasini 7/5, 6/4 hisobida mag'lubiyatga uchratdi.

Uchrashuv 1 soatu 46 daqiqa davom etdi. Kechagi o'yindan so'ng tennischilarning o'zaro uchrashuvlardagi hisobi tenglashdi - 2:2. Donna Nature Valley Open Nottingham turnirining yarim finalida germaniyalik Tatyana Mariyaga qarshi kortga chiqadi.