Doping ruxsat etilgan Olimpiada. XOQ bunga qanday munosabatda?

Xalqaro halol o'yin qo'mitasi ham bunga qarshilik qilmoqda.

Avvalroq, amerikalik milliarder Piter Til "Steroidlardagi Olimpiada" - sportchilarga doping qabul qilishga ruxsat berilgan loyihani moliyalashtirmoqchi ekanligini malum qilgandi. 

Ilk musobaqalar 2025 yilda beshta sport turi bo'yicha - suzish, gimnastika, yakkakurashlar, og'ir atletika va engil atletika bo'yicha o'tkazilishi mumkin.

"Ushbu musobaqada halol o'yin tamoyillariga rioya qilinmaydi va sport mahorati namoyish etilmaydi. Bundan tashqari, o'yinlar ishtirokchilarning hayoti uchun xavfli. 

Biz ushbu musobaqa tashkilotchilari va homiylarini Olimpiya harakatini qo'llab-quvvatlashga, sportchilarga teng sharoitlar yaratishga ko'maklashishga chaqirib qolamiz", - dedi Halol o'yinlar qo'mitasi (CIFP) prezidenti va XOQning sobiq tibbiy komissiyasi azosi Jeno Kamuti.