04 mar 13:21
Yangiliklar

Tennis

Dunyoning 9-raketkasi Akapulkoda bosh mukofotga ega chiqdi

Meksikaning Akapulko shahrida tennis bo'yicha Abierto Mexicano Telcel turniri yakunlandi.

Mazkur musobaqada argentinalik Xuan Martin Del Potro bosh mukofotni qo'lga kiritib, turnir chempioniga aylandi. U ropa-rosa 100 daqiqa davom etgan final uchrashuvida JAR vakili Kevin Andersonni 6:4, 6:4 hisobida taslim etdi.

Meksika turniridagi bir haftalik muvaffaqiyatli ishtirok dunyoning to'qqizinchi raketkasi hisoblangan Del Potroga 354 130 dollar mukofot puli hamda 500 reyting ochkosini keltirdi.