Dunyoning birinchi raketkasi chempionlik himoyasini davom ettirmoqda

Dunyoning birinchi raketkasi Yannik Sinner ushbu musobaqaning amaldagi chempioni hisoblanadi. Italiyalik tennischi chorak finalda ATP reytingida 37-o'rinni egallab turgan chexiyalik Irji Lexechkadan ikki set natijasiga ko'ra ustun keldi - 6/2, 7/6(6).

Tennischilarning o'zaro uchrashuvlaridagi hisob yiriklashdi - 3:0. Sakson sakkiz daqiqa davom etgan bahsda Sinner 7, Lexechka 2 ta eys zarbasini amalga oshirgan. Qo'shxatolar va breyklar bo'yicha ustunlik ham mos ravishda 3 ga 0 va 2 ga 0 ko'rinishida Yannik foydasiga bo'ldi. Ikkinchi setda Irji tay-breykda ikkita setboldan foydalana olmadi.