Dunyoning birinchi raketkasi Madridda ikkinchi g'alabasiga erishdi

Xotin-qiz tennischilar o'rtasidagi musobaqada ishtirok etayotgan dunyoning birinchi raketkasi Naomi Osaka ikkinchi g'alabasini tantana qildi. Yaponiyalik tennis malikasi bu safar ispaniyalik Sara Sorribes-Tormodan ustun keldi. 

Osaka 2 soatu 35 daqiqa davom etgan uchrashuvda reytingning 73-pog'onasidan joy olib turgan raqibasini 7:6(5), 3:6, 6:0 hisobida dog'da qoldirdi. Endi 21 yoshli Naomi uchinchi davra uchrashuvida belaruslik Aleksandra Sosnovichga qarshi kortga chiqadi.