Dunyoning birinchi raketkasi o'z uyidagi turnir finaliga chiqdi

Adelaide International turnirida final ishtirokchilari malum bo'ldi. Sayyoramizning birinchi raqamli tennis malikasi Eshli Barti 88 daqiqa davom etgan yarim final uchrashuvida reytingning 9-pog'onasida borayotgan polshalik Iga Svyontekni mag'lub etdi - 6/2, 6/4.

Bahs davomida 25 yoshli Eshli 3 ta breyk, 5 ta eys zarbasini ijro etdi. 20 yoshli Iga esa 7 ta eys zarbani amalga oshirdi. Tennischilarning o'zaro uchrashuvlaridagi hisob 2:0 ko'rinishiga keldi. Bugun Barti o'z uyida o'tkazilayotgan Adelaide International bosh sovrini uchun qozog'istonlik Elena Ribakinaga qarshi kortga chiqadi.