Dunyoning sobiq ikkinchi raketkasi faoliyatini yakunladi

“Men bugun hayotimdagi eng muhim va shu bilan birga og'ir qarorlardan birini qabul qildim. O'n uch yil davom etgan professional tennisdagi faoliyatim yakunlandi. Bu qarorga kelish men uchun oson bo'lmadi. Lekin bu hayot, bu taqdir. 

Faoliyatim mobaynida 20ta sovrin qo'lga kiritdim. Yakuniy turnirda g'olib bo'ldim, Uimbldon turniri finalida o'ynadim. Endi avvalgidek yuqori saviyada mashg'ulot o'tkaza olmayman, turnirlarda ishtirok etolmayman. Inson organizmi hamisha birdek bo'lib qolmaydi”, - dedi Radvanska.

Malumot uchun, Agneshka Radvanska professional tennischilik faoliyatini 2005 yilda boshlagan. O'tgan davr mobaynida u 20ta turnirning yakkalik, 2ta musobaqaning juftlik bahslarida chempion bo'ldi. Turnirlardagi ishtirokidan 27 mln 683 807 dollar ishlab topdi. Agneshka 594ta uchrashuvda g'alabaga erishdi, 269 bahsda mag'lubiyat alamini totib ko'rdi. Reytingdagi eng yaxshi natijasi - 2-o'rin bo'ldi.