Dzyudo. Olimpiya kelajagining barcha finalchilari nomi malum bo'ldi

Bahslarda mezbonlardan tashqari Andijon, Farg'ona va Toshkent viloyatidan tashrif buyurgan polvonlar o'z imkoniyatlarini sinovdan o'tkazdilar. Qizg'in va murosasiz kechgan bahslar yakuniga ko'ra Farg'ona viloyati terma jamoasi dzyudochilari hal qiluvchi final bahslariga yo'l oldilar.

Demak, «Olimpiya kelajagi»ning dzyudo bo'yicha musobaqalarda barcha finalchilar nomi aniq bo'lib ulgurdi. Oktyabr oyida Surxondaryo viloyati mezbonlik qiladigan final musobaqasida Farg'ona, Samarqand, Qashqadaryo, Buxoro terma jamoalari bosh mukofot uchun o'zaro kurash olib boradilar.