23 fev 08:06
Yangiliklar

Tennis

Elina Svitolina final ostonasida to'xtatildi

Dunyoning oltinchi raketkasi Elina Svitolina BAAning Dubay shahrida yakuniga etib borayotgan nufuzli turnirdagi ishtirokini to'xtatdi.

Ukrainalik tennischi yarim final uchrashuvida shveycariyalik Belinda Benchichga imkoniyatni boy berib qo'ydi. Ikki daqiqasi kam ikki soat davom etgan uchrashuvda Benchich kuchli raqibasini 6/2, 3/6, 7/6(3) hisobida mag'lub etdi.

Endi dunyo reytingida 45-pog'onadan joy olib turgan Benchich Dubai Duty Free Tennis Championships turnirining hal qiluvchi final uchrashuvida chexiyalik Petra Kvitovaga qarshi kortga chiqadi.