Elize Mertens Dubai Duty Free ikkinchi davrasiga chiqdi

Sayyoramizning 18-raketkasi bo'lib turgan Elize Mertens Dubai Duty Free Tennis Championships musobaqasidagi ishtirokini g'alaba bilan boshladi. Belgiyalik tennis malikasi asosiy to'rning ilk davrasida bolgariyalik Viktoriya Tomovani uch setda mag'lub etdi - 4/6, 6/2, 6/4.

Uchrashuv 2 soatu 34 daqiqa davom etgan. Bu tennischilarning o'zaro ilk to'qnashuvi edi. Elize 2 ta eys zarbasi yo'llab, 8 ta breykni amalga oshirdi. Reytingning 140-pog'onasidan joy olgan Tomovada esa eyslar soni nolga teng bo'ldi. Endi Elize ikkinchi bosqichda amerikalik SHelbi Rojersga qarshi kortga chiqadi.