Endi Marrey 2017 yildan beri ilk bor Australian Open ikkinchi davrasiga chiqdi

Jahonning sobiq birinchi raketkasi Endi Marrey Avstraliya Ochiq chempionatining birinchi davrasida ATP reytingida 23-o'rinni egallab turgan gruziyalik Nikoloz Basilashvilini 6/1, 3/6, 6/4, 6/7, 6/4 hisobida mag'lub etdi. Uchrashuv 3 soatu 52 daqiqa davom etdi. Ularning o'zaro uchrashuvlarida hisob Marrey foydasiga 3:0 ko'rinishiga keldi.

Marrey 2017 yildan beri birinchi marta Australian Open turniri ikkinchi davrasiga chiqdi (u 2018, 2020 va 2021 yillarda turnirni o'tkazib yuborgan). 

Malumot uchun, Marrey besh karra turnir finalchisi hisoblanadi. Keyingi o'yinda u Taro Daniel bilan o'ynaydi.