Engil atletika, suzish, va boshqalar. Prezident SHavkat Mirziyoev salohiyati to'liq ishga solinmayotgan sport turlarini tanqid ostiga oldi

Prezidentimiz mavjud salohiyat to'liq ishga solinmayotgan sport turlariga alohida to'xtaldi. 

Masalan, badmintonda birorta licenziya qo'lga kiritilmagan. Kamondan otish sport turi bo'yicha bor-yo'g'i 3 ta licenziya olingan.

Olimpiya o'yinlarida engil atletika turlari bo'yicha 48 ta dastur bor. Lekin engil atletika federaciyasi so'nggi olimpiadada 5 ta licenziya qo'lga kiritdi, xolos. 

Yadro, disk, nayza uloqtirish, sakrash sport turlarida birorta licenziya olinmadi. Yoki, 49 ta suv sporti dasturidan bor-yo'g'i 4 tasi bo'yicha licenziya qo'lga kiritilgan.

O'q otish sportini rivojlantirish uchun mudofaa tizimi va “Vatanparvar” tashkilotida barcha sharoit yaratilgan. Lekin birorta sportchimiz Olimpiadaga bormadi.

Yurtimizda yakkakurash sport turlari, milliy kurash rivojlangan bo'lsa-da, yunon-rum kurashi bo'yicha atigi 3 ta licenziya olingan. 

O'tgan yili baydarka va kanoeda eshkak eshish bo'yicha jahon chempionati ilk bor yurtimizda o'tkazildi. Lekin unda yurtimiz birorta ham medal qo'lga kiritmadi, deya Prezidentning so'zlaridan iqtibos keltirdi matbuot kotibi SHerzod Asadov.