Enrike Iglesias qalbini zabt etgan maftunkor Anna Kurnikovani tabriklaymiz!

Anna Kurnikova 1981 yil 7 iyun kuni Moskva shahrida dunyoga kelgan. Onasi Alla, otasi - Sergey. Tennis bilan 6 yoshidan shug'ullanishni boshlagan. 1992-1997 yillar oralig'ida AQSHdagi mashhur Nik Bolleteri tennis akademiyasida tahsil olgan.

Professional faoliyatini 1995 yilda boshlagan va jami 16 ta juftlik bahslarida WTA turnirlari bosh sovriniga ega chiqqan. Turnirlardagi ishtirokidan 3,584,662 dollar ishlab olgan. 

Kurnikovaning "Katta Dubulg'a" turnirlaridagi eng yaxshi natijasi - 1/2 final bo'lgan. U 1997 yili Uimbldon turnirining yakkalik bahslarida final ostonasida to'xtagan. O'shanda u shveycariyalik Martina Xingisga imkoniyatni boy bergan edi. 2000 yilning noyabr oyida dunyo reytingida kuchli sakkizlikka kirgan. Bu uning eng yaxshi natijasi hisoblanadi. 

Martinoy Xingis 1999 va 2001 yillarda Australian Open turnirining juftlik bahslarida bosh sovrinni qo'lga kiritgan. Kurnikova 1999 yilning noyabr oyida WTA juftlik reytingi karvonboshisiga aylangan va 10 hafta davomida peshqadamlik qilgan. Surunkali jarohatlar sabab 2007 yilda faoliyatini yakunlashga majbur bo'lgan.    

Anna Kurnikova bo'sh vaqtlarida raqsga tushadi, kitob mutolaa qiladi va qo'shiq kuylaydi. SHuningdek, basketbol, xokkey va beysbol uchrashuvlarini bevosita arenada kuzatadi.

2001 yilda Kurnikovaning ispaniyalik qo'shiqchi Enrike Iglesias bilan ishqiy sarguzashtlari boshlandi. 2015 yilning dekabr oyida ularning munosabatlari qonuniylashtirildi. 2017 yilning dekabrida bu yulduzli juftlikning egizak farzandlari dunyoga keldi. SHu yilning fevralida esa ular qiz farzandlik bo'lishdi, yangi mehmonga Masha deb ism qo'yishdi.