Erkaklar o'rtasidagi US Open 2022 g'olibi malum

Hal qiluvchi final uchrashuvida dunyoning to'rtinchi raketkasi bo'lib kelgan ispaniyalik Karlos Alkaraz reytingda o'zidan uch pog'ona quyida borgan norvegiyalik Kasper Ruudga qarshi kortga chiqdi. 

Uch soatu 22 daqiqa davom etgan final bahsida Alkaraz 6/4, 2/6, 7/6(1), 6/3 hisobida g'alaba qozonib, US Open 2022 chempioniga aylandi. Tennischilarning o'zaro uchrashuvlarida Karlos 3:1 hisobida oldinda bormoqda. 

Statistikaga etibor qaratadigan bo'lsak, Alkaraz 14 ta eys, 3 ta qo'shxato va 3 ta breyk qayd etdi. Ruud esa 4 ta eys, 2 ta qo'shxato hamda 3 ta breykka ega bo'ldi. 

Etiborlisi, Karlos Alkaraz bugun elon qilingan reytingda dunyoning birinchi raketkasi aylanib oldi. U ushbu tarixiy g'alabasi uchun 2,6 million dollar mukofot puli hamda qimmatli 2000 reyting ochkosini ham qo'lga kiritdi.