Ermatov, Ahmedov, CHusovitina, Qosimov deputatlik uchun saylovlarda qatnashadi

Etiborga molik jihati shundaki, bu galgi saylovlarda sportimiz elitasi vakillarini ham ko'rish mumkin. Xususan, O'zbekiston Milliy olimpiya qo'mitasi raisining birinchi o'rinbosari Ravshan Ermatov, O'zbekiston futbol associaciyasi birinchi vice-prezidenti Odil Ahmedov, OKMK futbol klubi bosh murabbiyi, futbolimiz afsonasi Mirjalol Qosimov hamda afsonaviy gimnastikachimiz Oksana CHusovitinaning nomzodi etakchi siyosiy partiyalarimiz tomonidan saylovga qo'yilgan.

Mirjalol Qosimov so'nggi besh yil davomida Xalq deputatlari Toshkent shahar Kengashi deputati sifatida faoliyat yuritdi. Uning nomzodi yangi besh yillik muddatga ham qo'yildi. Ravshan Ermatov, Odil Ahmedov va Oksana CHusovitina Oliy Majlis Qonunchilik palatasi deputati bo'lish uchun saylovda o'z imkoniyat va omadini sinab ko'radi.   

Qiziq, agar Ermatov va Ahmedov saylovda g'alaba qozonsa, MOQ hamda O'FAdan ketib, bor etiborini xalq farovonligi yo'lidagi faoliyatga qaratarmikan? CHunki, Oliy Majlis Qonunchilik palatasidagi faoliyat mahalliy Kengashlardagisidan keskin farq qiladi. Deyarli 24/7 rejimda turli yig'ilishlar, tadbirlar, o'zi saylangan hududlarini doimiy o'rganishlar bilan band (to'g'ri, hamma deputatlar ham shunday ishlayvermaydi) bo'ladi.