25 apr 19:02
Yangiliklar

Ermatov Odil Ahmedov jamoasining OCHLdagi o'yinini boshqaradi

O'zbekistonlik hakamlar Osiyo chempionlar ligasi guruh bosqichidan o'rin olgan uchrashuvlarda ishlash uchun taklif olishdi.

Jumladan, OCHL guruh bosqichi 5-turidan o'rin olgan bahsda Saudiya Arabistonining "Al-Hilol" jamoasi o'z maydonida BAAning "Al-Ayn" klubini qabul qiladi. Mazkur o'yinni Valentin Kovalenko boshqarib boradi. Unga qanotlarda Andrey Capenk va Temur Gaynullin yordam berishadi. To'rtinchi hakam ham O'zbekistondan - Aziz Asimov. "Al-Hilol" - "Al-Ayn uchrashuvi 6 may kuni Toshkent vaqti bilan soat 00:00da boshlanadi.

7 may kuni Yaponiyaning "Kavasaki Frontale" jamoasi Xitoyning "SHanxay SIPG" klubini qabul qiladi. Bu uchrashuvni Ravshan Ermatov boshqarib boradi. Unga qanotlarda Abduhamidullo Rasulov va Jahongir Saidovlar yordam berishadi. To'rtinchi hakam - SHerzod Qosimov.

SHu kuni Taylandda bo'lib o'tadigan "Buriram Yunayted" - "Urava Red Daymonds" (Yaponiya) uchrashuvida esa bosh hakam sifatida Ilgiz Tantashev ishlaydi. Unga qanotlarda Husniddin SHodmonov va Ruslan Serazetdinovlar yordam berishadi.