04 avg 08:39
Yangiliklar
Eshkak eshish. Yana bir hamyurtimiz JCH oltin medaliga ega chiqdi
Ruminiyaning Puteshti shahrida baydarka va kanoeda eshkak eshish bo'yicha jahon chempionati terma jamoamiz vakillari uchun muvaffaqiyatli davom etmoqda.
Nilufar Zokirova hamda Dilnoza Rahmatovaning g'alabasidan keyin Artur Guliev ham terma jamoamiz hisobiga yana bir oltin medalni qo'shib qo'ydi.
Kanoeda eshkak eshish bo'yicha 200 metr masofaga yakkalik bellashuvda kechgan bahsda Nankin-2014 o'smirlar Olimpiadasi ishtirokchisi hisoblanmish Guliev 38.717 soniya bilan eng yaxshi natijani qayd etdi. Yurtdoshimizga Ispaniya hamda Bolgariya terma jamoasi vakillari oltin medal uchun raqobat tug'dirishdi. Batafsil:
Kanoeda eshkak eshish. U-23 JCH.
Erkaklar, 200 metr.
1. Artur Guliev (O'zbekiston) – 38.717
2. Pablo Grana (Ispaniya) – (+1.122)
3. Angel Kodinov (Bolgariya) – (+1.230)
Havola :
Manba : olympic.uz
Fikrlar