Eshkak eshuvchilarimiz licenzion turnirga jo'nab ketishdi. Tarkibda jiddiy o'zgarish

Tashkilotchilar shartiga ko'ra, barcha ishtirokchilar Tailandga etib borishgach 10 kunlik karantinda bo'lishadi va ular uchun ajratilgan hududdagina mashg'ulot olib borishlari mumkin bo'ladi.

29 aprel – 2 may kunlari slalom bo'yicha bahslar bo'lib o'tsa, 5-7 may kunlari baydarka va kanoechilar Tokio-2020 yo'llanmalari uchun kurash olib borishadi. Malumot uchun, musobaqada faqat birinchi o'rinni qo'lga kiritgan sportchilargina Olimpiada yo'llanmalariga ega chiqishadi.

Tarkibga nazar tashlaydigan bo'lsak, 2 karra jahon chempioni, 4 karra Osiyo o'yinlari g'olibi, Pekin-2008, London-2012 va Rio-2016 Olimpiya o'yinlari ishtirokchisi Vadim Menkovni uchratmaymiz. Murabbiylar shtabi mazkur yo'nalishda Bekzod Umaralievning imkoniyatlarini yuqori baholashgan. 

Jamoamiz Tailandga quyidagi tarkibda yo'l oldi:

Slalom:
Barkamol Mirzahmedov va Janibek Temirgaliev (ikkalasi K-1)
Alibek Temirgaliev va Abubakir Bukanov (ikkalasi S-1)

Baydarka:
SHahriyor Mahkamov (K1, 1000 metr)
SHohruh Azamov va Javohir Nurmatov (K2, 1000 metr)
Ekaterina SHubina (K1, 200 metr)
Denis Onufriev (K1, 200 metr)
Arina Tanatmisheva (K1, 500 metr)

Kanoe:
Bekzod Umaraliev (S1, 1000 metr)
Vladlen Denisov va Gerasim Kochnev (S2, 1000 metr)
Gulbahor Fayzieva (S1, 200 metr)