Eshkak eshuvchilarimizning yig'ini MOQ rahbariyati nigohida

MOQ rahbariyati terma jamoamiz vakillarining holidan xabar olish, ularning mashg'ulotini kuzatish uchun sportchilarimiz joylashgan bazaga tashrif buyurdi. Safarda MOQ rahbari Rustam SHoabdurahmonov, uning o'rinbosari SHerzod Tashmatov, MOQ qoshidagi Respublika sport tibbiyoti ilmiy-amaliy markazi direktori, professor Abdushkur Sadikov, Jismoniy tarbiya va sport vazirligi hamda O'zbekiston ROWING&CANOE federaciyasi mutasaddilari ham bo'lishdi.

Ayni paytda ushbu federaciya delegaciyamiz hisobiga Olimpiya o'yinlari uchun 2 ta, Paralimpiya o'yinlariga esa 3 ta yo'llanma taqdim etgan. Bahor faslida esa Osiyo qitasi bo'ylab o'tkaziladigan so'nggi licenzion musobaqa kutib turibdi. 

Mutasaddilar uchrashuvda sportchilarimizning kun tartibi, ular istemol qilayotgan ozuqalar tarkibi, mashg'ulotlar grafigi bilan yaqindan tanishishdi. Atletlarimiz bilan suhbatda ularni qiynayotgan muammolar, salomatliklari, rejalari haqida gaplashildi.

Rustam SHoabdurahmonov uchrashuv davomida sportchilarimizni hukumatimiz har tomonlama qo'llab-quvvatlashi, ular uchun barcha sharoitlar yaratib berilishi haqida takidlab, faqat g'alaba sari harakat qilishlarini so'rab qoldi.