Esports World Cup Chess. Birozdan so'ng Nodirbek va Javohir so'nggi imkoniyatdan foydalanadi, raqiblar malum

Esports World Cup Chess turnirining guruh bosqich ilk uchrashuvida mos ravishda Hikaru Nakamura va Magnus Karlsenga imkoniyatni boy bergan Javohir Sindarov hamda Nodirbek Abdusattorov bugun "mag'lublar" setkasi orqali pley-offga chiqishga urinib ko'radi. 

D guruhidan joy olgan va NAVI jamoasi sharafini himoya qilayotgan Abdusattorov o'zi singari ilk uchrashuvida engilgan amerikalik Fabiano Karuanaga qarshi bahs olib boradi. Ushbu juftlik g'olibini polshalik Yan-Krishtoff Duda kutib turibdi. Ikki uchrashuvda g'alaba qozongan Magnus Karlsen esa aynan Duda - Karuana/Abdusattorov bahsi g'olibi bilan pley-off chiptasi uchun o'ynaydi. 

S guruhida qatnashayotgan Javohir Sindarov esa bugun xitoylik grossmeyster Ve Yi bilan hisob-kitob qiladi. G'alaba qozongan taqdirda yana Hikaru Nakamura bilan to'qnash keladi. Javohir kecha aynan Nakmuraga 0:2 hisobida yutqazib qo'ygandi. Hikaru ikkinchi uchrashuvda francuz Alireza Firuzdjadan engildi. Alireza endi pley-off yo'llanmasi uchun Sindarov, Yi yoki Nakamuraga qarshi bahs olib boradi. 

Bugun guruh o'yinlari yakuniga etadi. Ertaga pley-off, 1 avgust kuniga esa final uchrashuvi belgilangan. Saralash o'yinlari 4 ta guruhda tashkil etilmoqda.