European Open. Monfis 119-raketkaga imkoniyatni boy berdi

Dunyoning 13-raketkasi bo'lib turgan franciyalik Gael Monfis o'z raqamiga monand tarzda omadsizlikka uchradi. Gael ikkinchi davra uchrashuvida reytingning 119-pog'onasidan joy olib turgan italiyalik Yannik Sinnerga yutqazib qo'ydi - 3/6, 2/6.

Monfisning mag'lubiyati bilan yakunlangan uchrashuv roppa rosa bir soat davom etgan. Ushbu vaqt mobaynida 33 yoshli Gael 9, 18 yoshli Yannik esa 2 ta eys zarbani amalga oshirgan. Bu tennischilarning o'zaro o'tkazgan ilk o'yini bo'ldi. Yannik European Open turnirining chorak finalida amerikalik Frensis Tiafoga qarshi kortga chiqadi.