European Open. Zverev chorak finalga chiqdi

Sayyoramizning beshinchi raketkasi Aleksandr Zverev ikkinchi davra uchrashuvida reytingning 67-pog'onasidan joy olib turgan argentinalik Federiko Delbonisga qarshi kortga chiqdi. Germaniyalik 22 yoshli tennischi 1 soatu 45 daqiqa davom etgan bahsda 28 yoshli raqibini 6/4, 7/6(2) hisobida mag'lub etdi. 

Endi Zverev European Open musobaqasining yarim final chiptasi uchun serbiyalik Filiip Krayinovichga qarshi bahs olib boradi. Krayinovich ikkinchi bosqich uchrashuvida slovakiyalik Martin Klijanni 6/7(6), 7/5, 6/1 hisobida taslim etdi.