Fayziev bir kunda ikki uchrashuv o'tkazib, yarim finalga chiqdi

Sovrin jamg'armasi 15 000 AQSH dollarini tashkil qiluvchi musobaqada hamyurtimiz Sanjar Fayziev ham muvaffaqiyali tarzda ishtirok etyapti. Tennischimiz turnirning uchinchi raketkasi sifatida saralangan va kechaning o'zida ikkita yakkalik uchashuvida kortga chiqdi.

Mamlakatimizning ikkinchi raketkasi avvaliga ikkinchi davrada germaniyalik Paul Voernerni 6:2, 6:2 hisobida taslim etdi. CHorak finalda esa turnirning oltinchi raketkasi, serbiyalik Deyan Katichdan 6:2, 4:6, 6:2 hisobida ustun keldi. Bugun Fayziev yarim finalda musobaqada ikkinchi raqam ostida harakat qilayotgan ispaniyalik Roka Batallaga qarshi kortga chiqadi.