22 noy 12:04
Yangiliklar

Tennis

Fayziev Punadagi turnirning chorak finalida kortga chiqdi

Hindistonning Puna shahrida tennis bo'yicha “CHellenjer” turkumiga kiruvchi turnir davom etmoqda.

Sovrin jamg'armasi 50 000 AQSH dollarini tashkil qiluvchi ushbu musobaqada Jo'rabek Karimov, Humoyun Sultonov va Sanjar Fayziev ishtirok etishgan va ularning bari saralash bahslarida mag'lubiyatga uchrashgan edi.

Birgina Fayziev reytingi bo'yicha turnirning juftlik bahslarida qatnashish huquqini qo'lga kiritgandi. Qozog'istonlik Aleksandr Nedovesov bilan juftlik hosil qilgan Sanjar ilk davrada g'alabaga erishdi. Lekin chorak final uchrashuvida ular mezbonlar - Vijay Prashant va Ramkumar Ramanatanga 3:6, 4:6 hisobida imkoniyatni boy berishdi.