18 mar 09:48
Yangiliklar

Tennis

Fayziev - Qozon turniri vice-chempioni!

Rossiyaning Qozon shahrida o'tkazilgan “Fyuchers” turkumiga kiruvchi turnir o'z yakuniga etdi.

Sovrin jamg'armasi 25 000 AQSH dollarini tashkil qiluvchi musobaqada hamyurtlarimiz Sanjar Fayziev va Humoyun Sultonov ham ishtirok etishdi. Turnirda oltinchi raqam ostidan saralangan Sultonov yakkalik bahslarining chorak finalida o'z yurishini to'xtatgan edi.

Sanjar Fayziev esa finalda o'ynadi. U bosh sovrin uchun kechgan uchrashuvda rossiyalik Roman Safiulinga qarshi kortga chiqdi. Birinchi setni 3:6 hisobida boy bergan Sanjar ikkinchi setda raqibiga hech qanday imkoniyat qoldirmadi - 6:1. Lekin hal qiluvchi uchinchi setda Roman 6:4 hisobida g'alaba qozonib, bosh mukofotga ega chiqdi.