Fayziev Tailanddagi turnir finalida kortga chiqdi

Sovrin jamg'armasi 15 000 AQSH dollarini tashkil qiluvchi ushbu musobaqada hamyurtimiz Sanjar Fayziev ham ishtirok etdi. Mamlakatimizning ikkinchi raketkasi Tailand turnirida ham ikkinchi raqam ostida harakat qildi.

Sanjar hozirgina yakuniga etgan final uchrashuvida turnirning birinchi raketkasi rossiyalik Roman Safiullinga qarshi kortga chiqdi. Ikki soatu 55 daqiqa davom etgan dramatik bahsda Fayziev raqibiga 5:7, 6:4, 4:6 hisobida yutqazib qo'ydi. Tennischimiz uchinchi setda 4:2 hisobida oldinga ham chiqib olgandi, lekin yakunda vice-chempionlik bilan cheklandi.