Fayziev Turkiyadagi turnir chempioniga aylandi

"M 15 Antalya" turnirida tennischimiz Sanjar Fayziev ham ishtirok etayotgani haqida xabar bergan edik. Garchi Fayziev yakkalik bahslarida musobaqani erta tark etgan bo'lsada, juftlik bellashuvlarida muvaffaqiyatli ishtirok eta oldi. 

Fayziev va greciyalik Markos Kalovelonis juftligi italiyalik Aleksandr Vays hamda argentinalik Huan Pablo Pas juftligiga qarshi yarim final uchrashuvida kortga chiqdi. 1 soatu 45 daqiqa davom etgan uchrashuvda Fayziev/Kalovelonis tandemi 7/5, 7/6 hisobida raqiblarini mag'lubiyatga uchratib, finalga yo'l oldi.

SHu kunning o'zida final uchrashuvi ham bo'lib o'tdi. Finalda bu tandemga bolgariyalik Gabriel Donev va ruminiyalik Vlad Andrel Dancu raqiblik qildi.

1 soatu 43 daqiqa davom etgan murosasiz uchrashuvda Fayziev/ Kalovelonis juftligi 5/7, 7/6, 10/7 hisobida g'alaba qozonib, turnir chempioniga aylanishdi.