22 dek 10:49
Yangiliklar

Tennis

Fayziev Turkiyadagi turnir juftligida yarim finalga chiqdi

Xabar berganimizdek, Turkiyaning Antaliya shahrida tennis bo'yicha “Fyuchers” turkumiga kiruvchi turnir davom etmoqda.

Sovrin jamg'armasi 15 000 AQSH dollarini tashkil qiluvchi musobaqada hamyurtimiz Sanjar Fayziev ham muvaffaqiyali tarzda ishtirok etyapti. Yakkalikda yarim finalga yo'l olgan tennischimiz bu vazifani juftlik musobaqasida ham takrorladi.

Rossiyalik Markos Kaloelonis bilan birinchi raqamli juftlikni hosil qilgan mamlakatimizning ikkinchi raketkasi bugun final chiptasi uchun kortga chiqadi. Ular yarim finalda turkiyalik CHengiz Aksu va Jan Kayadan iborat to'rtinchi raqamli juftlikka qarshi kortga chiqishadi.

Fayziev va Kalovelonis kecha o'tkazilgan chorak final uchrashuvida gollandiyalik tennischilar - Igor Straatsma hamda Mik Veldxir hamkorligini 6:2, 6:4 hisobida mag'lub etishdi.