Fayziev va Fomin Qozog'istondagi turnirni g'alaba bilan boshlashdi, Humoyunda esa...

Ushbu musobaqada uch nafar tennischimiz Humoyun Sultonov, Sanjar Fayziev va Sergey Fomin ishtirok etmoqda. 

Biroz avval Sanjar Fayziev 1/16 finalda Zimbabve vakili Benjamin Lokka qarshi kortga chiqdi. Ikki set davom etgan uchrashuvda Fayziev raqibini 6/3, 6/2 hisoblarida mag'lub etib, keyingi bosqichga yo'l oldi.  

Yana bir tennischimiz Sergey Fomin mezbon tennischi Daniil Felker ustidan 6/2,  6/1 hisoblarida ustun keldi va 1/8 finalga chiqdi. Tennischilarimizning keyingi bosqichdagi raqiblari hali malum emas.

Mamlakatimizning ikkinchi rakettkasi Humoyun Sultonov ham o'z uchrashuvini yakunladi. Afsuski, Sultonov ukrainalik Erik Vanshelboymga ikki setda 4/6, 3/6 hisoblarida imkoniyatni boy berib qo'ydi.