01 avg 13:02
Yangiliklar

Tennis

Fayzievning Nontaburidagi yurishi davom etadi

Xabar berganimizdek, Tailandning Nontaburi shahrida "Fyuchers" turkumiga kiruvchi turnir bo'lib o'tmoqda.

Sovrin jamg'armasi 25 000 AQSH dollarini tashkil qiluvchi musobaqada ikki tennischimiz yurtimiz sharafini himoya qilyapti. Sergey Fomindan so'ng Sanjar Fayziev ham o'z uchrashuvida g'alaba qozonib, chorak finalga yo'l oldi.

Turnirning ikkinchi raketkasi bo'lgan Fayziev bir necha daqiqa avval yakunlangan ikkinchi davra uchrashuvda amerikalik Dasti Boyerni 3:6, 6:3, 6:4 hisobida engdi. Ushbu bahs 1 soatu 52 daqiqa davom etgan. Endi Sanjar chorak finalda turnirning beshinchi raketkasi, yaponiyalik Rio Noguchiga qarshi kortga chiqadi.