Federer 6 yillik tanaffusdan so'ng yana dunyoning birinchi raketkasiga aylanadi

Bu esa unga dushanba kuni elon qilinadigan reytingda hozirgi peshqadam Rafael Nadalni ortda qoldirib, yana birinchi o'ringa ko'tarilib olish imkonini beradi. Federer 6 yillik tanaffusdan so'ng yana reytingning birinchi pog'onasiga qaytadi. 

Rotterdam turnirida wild card, yani imtiyozli yo'llanma evaziga qatnashayotgan shveycariyalik raketka ustasi Ruben Bemelmansni 6:2, 6:1, Filipp Kolshrayberni 7:6, 7:5, Robin Xaasni 4:6, 6:1, 6:1 hisobida mag'lub etdi.

Bu bilan dushanba kuni elon qilinadigan reytingda Federerning ochkolari kamida 9785 ballga etadi. Rafael Nadal esa 9760 ochko bilan qoladi. Federer 36 yoshu 6 oylik holatida dunyoning birinchi raketkasi bo'lgan eng yoshi katta tennischiga aylanadi. 

U bu natijasi bilan amerikalik Andre Agassini ortda qoldiradi. Agassi ATR reytingida peshqadam bo'lgan chog'ida 33 yoshu 4 oylik edi. Agassi kechaning o'zidayoq Federerni bu muvaffaqiyati bilan tabriklashga ulgurdi. 

SHu tariqa, Federer 2012 yilning 4 noyabridan so'ng ilk bor dunyo reytingining birinchi pog'onasiga ko'tariladi. Besh yilu 106 kunlik tanaffusdan so'ng yana reyting taxtiga qaytish ham jahon rekordi hisoblanadi. 

Malumot uchun, Rojer Federer o'z faoliyati davomida uch marotaba ATR reytingida birinchi o'ringa ko'tarilishga muvaffaq bo'lgan:

- 2004 yilning 2 fevralidan to 2008 yilning 17 avgustigacha

- 2009 yilning 6 iyulidan to 2010 yilning 6 iyunigacha

- 2012 yilning 9 iyulidan to 2012 yilning 4 noyabrigacha