Federer finaldan so'ng nimalar dedi? (jurnalist bilan savol-javob)

Eslatib o'tamiz, shveycariyalik tennis yulduzi 5 soatu 2 daqiqa davom etgan 5 setdan iborat hal qiluvchi final uchrashuvida serbiyalik Novak Jokovichga imkoniyatni boy berib qo'ygan edi.  

- Nima noto'g'ri ketdi?

- Bittagina zarba. Menda ikkita matchbol bo'ldi, lekin foydalana olmadim.

- Siz aynan matchbol sabab yutqazdingizmi?

- Yo'q, men unday demagan bo'lardim. Menda bundan keyin ham imkoniyat bo'ldi. Hamisha yaxshi narsalarni o'ylashga harakat qilaman. Hisob 9:9 bo'lib turgan vaqtda ham g'alabamga ishonchim komil edi.

- Siz uchrashuvda ko'proq ochko oldingiz.

- Bu ahamiyatsiz.

- Novak Siz va Nadalning erasiga qo'shildimi?

- U allaqachon qo'shilib bo'lgandi.

- Kelajakda muxlislar Jokovichni qanday eslashadi?

- Biz uning juda kuchli tennischi ekanligini bilamiz. Bu uning natijalaridan ham malum. Tarix ham xuddi shunday eslab qolsa kerak.

- Sizga «Ulkan toj»lardagi rekord muhimmi?

- Oldinlari juda katta ahamiyatga ega edi, hozir esa yo'q. Hozirda menda bundan ham ahamiyatliroq narsalar bor. Juda ko'p rekordlar o'rnatdim. Lekin rekordlar hech qachon abadiy bo'lmaydi. Men muxlislar bilan to'lgan kortda Jokovichga qarshi bahs olib bordim. Bundan muhimroq narsa yo'q men uchun.

- Mag'lubiyatdan qanday chiqib ketasiz?

- Asosiysi mag'lubiyat haqida o'ylamasdan, uni tezroq unutish lozim. Finalga qadar etib keldim, bu ham mening yoshimda katta natija. 2008 yildan so'ng, men tez orada ketaman, deb o'ylagandim, lekin unday bo'lmadi. SHu sababli barcha bo'lgan voqealarni yaxshilikka yo'yish kerak.

- Endi nimalar qilmoqchisiz?

- Monrealdagi turnirni o'tkazib yuborib, dam olaman. Keyin Cincinnati hamda boshqa turnirlarda ishtirok etmoqchiman.

- Qiyin uchralgan mag'lubiyatdan ko'ra uch setlik mag'lubiyat afzal emasmi?

- Bilmadim. 2:6, 2:6, 2:6, hisobida mag'lub bo'lishim ham mumkin edi. Menda ko'p imkoniyat bo'lgandi, lekin foydalanmadim. Endi buni to'g'rilashni imkoni yo'q.