22 iyu 08:37
Yangiliklar

Tennis

Federer Galleda uch setdan iborat uchrashuv o'tkazdi

Germaniyaning Galle shahrida o'tkazilayotgan maysa qoplamali turnir o'zining hal qiluvchi pallasiga kirdi.

Sayyoramizning uchinchi raketkasi Rojer Federer musobaqaning yarim finaliga yo'l oldi. SHveycariyalik tennis afsonasi chorak final uchrashuvida reytingning 20-pog'onasidan joy olgan ispaniyalik Roberto Bautista-Agutga qarshi bahs olib bordi.

Rojer 1 soatu 53 daqiqa davom etgan uchrashuvda 31 yoshli raqibini 6/3, 4/6, 6/4 hisobida mag'lub etdi. Federer o'zaro uchrashuvlarda 9:0 hisobida oldinga chiqib oldi. Endi 37 yoshli Rojer Noventi Open turnirining yarim finalida franciyalik Per-Yug Erberga qarshi kortga chiqadi.