Federer Nadal va Jokovich haqida fikr bildirdi

"Qiziqarli bahs. Oxirgi paytlar Rafa va Novak aqlbovar qilmas darajadagi ishlarni amalga oshirishyapti. Ular endi yosh emas, lekin o'z poziciyalaridan voz kechmoqchi ham emaslar. Jokovich Avstraliyada, Nadal Parijda g'alaba qozondi. Ular hozir eng yuqori cho'qqida va bu tennis uchun faqat foydali.

Hozir sog'ligim meni ko'proq tashvishga solmoqda. Samprasning natijasiga yaqinlashganimda men ham rekord haqida o'ylardim. Uni zabt etganingizdan so'ng esa siz faqat oldinga borishingiz kerak. Ehtimol, endi ikkisi buni qayd etishar, bir paytlar men Pitga tenglashib olganim kabi.

Albatta, men rekordlarimni o'zimda saqlab qolishni xohlayman, lekin ular tennisga mana shunday rekordlarni buzish uchun kelishgan. Jokovich va Nadal aqlbovar qilmas ishlarni qilishmoqda. Umid qilamanki, ular g'alaba qozonishda davom etishadi va yakunda o'z faoliyatidan mamnun bo'lishadi.

Men o'zimdan afsuslanmagan holda ketmoqchiman. Va bu borada endi meni hech narsa tashvishlantirmaydi", - deya Federerning so'zlaridan iqtibos keltiradi Tennis Majors.