29 okt 08:12
Yangiliklar

Tennis

Federer o'z uyida to'qqizinchi bor tengsiz bo'ldi

Dunyoning uchinchi raketkasi Rojer Federer SHveycariyaning Bazel shahrida o'tkazilgan nufuzli tennis turnirida bosh sovrinni qo'lga kiritdi.

SHveycariyalik tennis yulduzi Swiss Indoors Basel turnirida to'qqizinchi bor chempionlik shoxsupasiga ko'tarildi. Rojer 1 soatu 34 daqiqa davom etgan final bahsida reytingning 93-pog'onasida borayotgan ruminiyalik Mariush Kopilni 7/6(5), 6/4 hisobida mag'lubiyatga uchratdi.

Swiss Indoors Basel turniridagi ushbu muvaffaqiyatli ishtirok 37 yoshli Federerga 500 reyting ochkosi hamda 427 765 evro mukofot pulini taqdim etdi.