26 may 15:34
Yangiliklar

Tennis

Federerning "Katta Dubulg'a"dagi debyutiga 21 yil bo'ldi

SHveycariyalik tennis afsonasi Rojer Federer bundan 21 yil avval "Katta Dubulg'a" turkumiga kiruvchi turnirlardagi ilk uchrashuvini o'tkazgan edi.

Ushbu tarixiy bahs 1999 yilning 25 may kuni Parij shahrida bo'lib o'tgandi. Rojer "Rolan Garros"ning ilk davrasida dunyoning uchinchi raketkasi Patrik Rafterga qarshi kortga chiqqandi.

To'rt set davom etgan uchrashuvda Federer kuchli raqibiga 7/5, 3/6, 0/6, 2/6 hisobida imkoniyatni boy berib qo'ygan edi. O'sha paytda afsona 111-pog'onadan joy olgan va faqatgina wild card, yani imtiyozli yo'llanma evaziga asosiy to'rga qo'yilgandi.