Feliks Oje Marokash turnirini g'alaba bilan boshladi

Jahonning 9-raketkasi, kanadalik Feliks Oje turnirning birinchi davrasida ATR reytingida 436-o'rinni egallab turgan marokashlik Elliot Benchetritga qarshi kortga chiqdi. 

1 soatu 24 daqiqa davom etgan uchrashuvda Oje raqibini 6/3, 6/3 hisobida mag'lub etib, ikkinchi davraga yo'l oldi. Ushbu vaqt davomida Oje 6 ta, Benchetrit esa 3 ta eys amalga oshirdi. Feliks bir marotaba qo'shxatoga yo'l qo'ygan bo'lsa, Elliot 5 bor to'pni o'yinga kiritishda xato qildi. Tennischilar ilgari o'zaro to'qnash kelishmagan. 

Marokashdagi turnirning 1/8 finalida Oje slovakiyalik Aleks Molchanga qarshi bahs olib boradi.