Fellayni rasman Xitoy klubi bilan shartnoma tuzdi

Maruan Fellayni Gonkong shahriga tashrif buyurdi va yangi jamoasi "SHandong Luneng" bilan shartnoma imzoladi. Lekin 31 yoshli futbolchi jarohati sabab hozircha yangi jamoasiga yordam bera olmaydi.

Klub bosh murabbiy Li Ciaopeng yangi yarim himoyachi haqida shunday dedi: "Albatta, biz Fellaynidek tajribali futbolchini o'z safimizga qo'shib olganimizdan xursandmiz. Ammo hozircha u davolanishi kerak va shundan keyin maydonga tushadi. Xitoy chempionati 1 martdan start oladi, bungacha Fellayni tuzaladimi-yo'qmi, bir narsa deya olmayman".

Maruan Fellayni MYU sharafini besh yarim yil himoya qilib, bu vaqt oralig'ida 177ta uchrashuvda maydonga tushdi va 22ta gol urdi. Fellayni xitoyliklar bilan bir yilga shartnoma tuzdi. Endilikda belgiyalik yarim himoyachi yangi jamoasida italiyalik 33 yoshli hujumchi Graciano Pelle bilan birgalikda to'p tepadi.