O'zbekiston va Xitoy kriket sohasida hamkorlikni yangi bosqichga olib chiqmoqda

Bu borada O'zbekiston Kriket federaciyasi tomonidan xalqaro hamkorlikni kengaytirish va ilg'or tajribalarni o'rganishga alohida etibor qaratilmoqda.

SHu maqsadda O'zbekiston kriket federaciyasi raisi Aziz Mixliev Xitoy Xalq Respublikasida bo'lib, Xitoy kriket associaciyasi vakillari bilan uchrashuv o'tkazdi.

Xitoyning CHuncin shahrida bo'lib o'tgan muloqot davomida ikki mamlakat o'rtasida kriket sport turini rivojlantirish, o'zaro hamkorlikni mustahkamlash va sohadagi tajribalar almashinuvini yo'lga qo'yish masalalari atroflicha muhokama qilindi.

Uchrashuvda, shuningdek, ikki mamlakat kriket jamoalari o'rtasidagi amaliy hamkorlikni kengaytirishga qaratilgan qator istiqbolli tashabbuslar ilgari surildi. Jumladan, xitoylik kriketchilarning O'zbekistonga tashrifini tashkil etish, qo'shma o'quv-mashg'ulot yig'inlarini o'tkazish, o'rtoqlik uchrashuvlari hamda turli sport musobaqalarini tashkil etish masalalari yuzasidan kelishuvlarga erishildi.

Mazkur hamkorlik ikki mamlakat kriket jamoalari o'rtasidagi do'stona aloqalarni yanada mustahkamlash, sportchilarning mahorati va tajribasini oshirish, shuningdek, kriketni yoshlar o'rtasida keng targ'ib etish uchun yangi imkoniyatlar yaratadi.

Ishonchli xalqaro hamkorlik va o'zaro tajriba almashinuvi orqali O'zbekistonda kriketni yanada rivojlantirish, uning ommaviyligini oshirish hamda mamlakatimiz sportchilari uchun xalqaro maydonda yangi istiqbollarni ochishga xizmat qiladi.

Ilhom RAHMONOV tayyorladi