Yamal nima uchun "Oltin to'p"ni ololmadi? “France Football” bosh muharriri izoh berdi

G'oliblik angliyalik Harri Keynga nasib etdi, Yamal uchinchi, Rodri esa to'rtinchi o'rinni egalladi.

"Mening fikrimcha, jahon chempioni bo'lgan Ispaniya terma jamoasi ichida ovozlar Rodri va Lamin Yamal o'rtasida bo'linib ketdi. O'ylaymanki, ovoz berish jarayonida Rodri Laminga tegishi mumkin bo'lgan ovozlarning bir qismini o'ziga “tortib oldi”. Ispaniyalik futbolchilar uchun berilgan ovozlar biroz “sochilib ketdi”, buning ustiga Ispaniya termasi yagona jamoa bo'lib harakat qildi. SHu sababli qaysidir bir alohida individual yutuqni ajratib ko'rsatish qiyin bo'ldi", – deya Garsiyaning so'zlarini keltiradi Sport.es.

Uning so'zlariga ko'ra, Yamal jahon chempioni bo'ldi, biroq faqat bitta gol urdi, buning ustiga turnirni jarohat bilan boshlagan edi.

"Hayat azolari uchun ispaniyalik futbolchilardan birining foydasiga to'xtamga kelish oson kechmadi”, – dedi u.

"Oltin to'p" har yili Franciyaning “France Football” jurnali tomonidan kalendar yilning eng yaxshi futbolchisiga topshiriladi. Joriy yilgi ovoz berish natijalariga ko'ra ikkinchi o'rinni "Real"dan franciyalik Kilian Mbappe egalladi. Uchinchi o'rinda esa ispaniyalik Lamin Yamal ("Barselona") qayd etildi.