Fominning Moskva turniridagi bahsi dramatik kechdi

Sovrin jamg'armasi 15 000 AQSH dollarini tashkil qiluvchi musobaqada uch nafar hamyurtimiz ham o'z mahoratini namoyish etyapti. Ulardan Sergey Fomin hozirgina birinchi davra uchrashuvini o'tkazdi.

Hamyurtimiz 2 soatu 17 daqiqa davom etgan bahsda rossiyalik Kristian Lozanga 1:6, 6:4, 5:7 hisobida imkoniyatni boy berib qo'ydi. Hal qiluvchi uchinchi setda 1:5 hisobida yutqazayotgan Fomin muvozanatni tiklab oldi. Lekin o'z geymida yutqazib, yakkalik bahslarini tark etdi.