15 fev 08:52
Yangiliklar
FOTO. Useyt Bolt, Niko Rosberg, “Lester”da Sport “Oskari”!
Sakkiz karra Olimpiada chempioni yamaykalik sprinter Useyn Bolt Laureus akademiyasi tomonidan yilning eng yaxshi erkak sportchisi deb topildi. Bolt ushbu mukofotni to'rtinchi bor qo'lga kiritdi.
O'ttiz yoshli Bolt “Yil sportchisi” nominaciyasi so'rovida amerikalik basketbolchi Stefen Karri va Lebron Jeyms, britaniyalik atlet Mo Fara, portugaliyalik futbolchi Krishtianu Ronaldu hamda britaniyalik tennischi Endi Marreyni ortda qoldirdi.
“Yilning eng yaxshi ayol sportchisi” nominaciyasida gimnastikachi Simona Baylz g'olib bo'ldi. Rio Olimpiadasida 4ta oltin va bitta bronza medalini qo'lga kiritgan 19 yoshli Baylz haqli ravishda ushbu mukofotga ega chiqdi.
Ushbu nominaciyada g'oliblikka germaniyalik tennischi, dunyoning ikkinchi raketkasi Anjelik Kerber, Rio Olimpiadasi chempionlari - britaniyalik velosportchi Lora Trott, amerikalik atlet Ellison Feliks, yamaykalik engil atletikachi Eleyn Tompson, suzish bahslarida Olimpiadaning 4 karra g'olibasi amerikalik Keti Ledeki ham davogarlik qilishdi.
“Yil qaytishi” nominaciyasida dunyodagi yagona 23 karra Olimpiada chempioni, amerikalik suzuvchi Maykl Felps Laureus mukofotiga ega bo'ldi.
Fikrlar