FOTOMAQOLA: Denis Istominning Xitoydagi sarguzashtlari

Xitoyning CHendu shahrida bo'lib o'tgan musobaqada hamyurtimiz barcha raqiblarini mag'lubiyatga uchratib, bosh sovrin sohibiga aylandi.

Etiboringizga sportchimizning ushbu turnirdagi sarguzashtlari aks etgan suratlarni taqdim etamiz:

Ilk bosqichda reytingda o'zidan yuqori turgan germaniyalik Yan-Lennard SHtruff mag'lub etildi. Yomon emas. Avval bunaqasi ko'p bo'lgan

O'yindan keyingi selfisessiya

Ikkinchi bosqichdagi raqib esa jiddiyroq edi. Turnirda uchinchi raqam ostida saralangan rossiyalik Karen Xachanov. U ham mag'lub etildi

CHorak finalda esa amerikalik Jared Donaldson turnirdan chiqarib yuborildi. Denis hazillashmayotgandi!

G'alabalar ko'paygani sayin, muxlislar ham ko'payib bordi!

Yarim final: Oson bo'lmagan o'yinda yaponiyalik Yuichi Sugita ham mag'lubiyatga uchratildi! Yana bitta o'yin qoldi...

Finalda esa kiprlik Markos Bagdatis kutib turibdi. Bahs yaxshi boshlandi!

Ammo kutilmaganda raqibning jarohati bezovta qilib qoldi. Markosning tura olmayotganini ko'rgan Denis uni oldiga yugurib bordi...

SHundan so'ng kiprlik tennischi o'yinni davom ettira olmasligi malum bo'ldi

Istomin: "Turnir g'olibi bo'lishni istagandim, lekin o'z g'alabalarim orqali. Raqibning jarohati evaziga emas"

Nima bo'lgan taqdirda ham Denis Istomin finalda g'alaba qozonib, 250 reyting ochko egasiga aylandi. Ushbu muvaffaqiyat bilan tennischimizni tabriklab qolamiz. Bunday sovrinlar yanada ko'payishini tilab qolamiz! Barakalla, Denis!

GettyImages suratlari asosida Aziz To'xtamurodov tayyorladi