Fyuri Joshua bilan muzokaralar barbod bo'lganidan so'ng Usikka jang taklif qildi

"Lo'lilar qiroli" ijtimoiy tarmoqlarda video joylashtirdi, undan ko'rinib turibdiki, u vatandoshi bilan muzokaralardan voz kechmoqda va ukrainalik bokschi bilan uchinchi bor ringga chiqishni rejalashtirmoqda.

"Ko'rinishidan, Ey Jey (Entoni Joshua) yana qo'rqib qoldi. 11 yildan keyin u yana o'zini yo'qotdi. SHunday ekan, endi hamma yo'l Aleksandr Usik bilan jangga etaklamoqda. Aleksandr, sen uning murabbiyi va ustozi emassanmi – sen uning irodasiz bir hech kim ekanligini va hech qachon "Lo'lilar qiroli"ga qarshi chiqmasligini bilasanmi? Senda esa buni ikki marta qilishga jasorat etdi va men bilan ringda qanchalik qiyin bo'lishini o'zing bilasan.

Eshit, o'tgan safar hakamlar g'alabani senga berishdi. Hammasi adolatli, tabriklayman. Lekin kel, buni yana takrorlaymiz. Noyabr oyida uchinchi jangni o'tkazaylik. Endi to'p sening tomoningda, Aleksandr. Bu yil men bilan jang qilmoqchimisan yoki faoliyatingni yakunlashga qaror qildingmi? Menga xabar ber, chunki hozir men yangi raqib izlayapman", – dedi britaniyalik bokschi.

2024 yilda Aleksandr Usik va Tayson Fyuri ringda o'zaro 24 raund jang qilishdi – birinchi to'qnashuvda ukrainalik bokschi hakamlarning ayri qarori bilan g'alaba qozonib, og'ir vazn toifasida mutlaq jahon chempioniga aylandi. Revansh jangida esa Usik Fyurini hakamlarning yakdil qarori bilan mag'lub etib, WBA, WBO, WBC va The Ring kamarlarini himoya qildi.

Joriy yil oxirigacha Tayson Fyuri va Entoni Joshua o'rtasida jang o'tkazilishi rejalashtirilgan edi (ikkalasi ham bunga qadar tayyorgarlik janglarida g'alaba qozonishgan), biroq hozircha britaniyaliklar kelishuvga erisha olmayapti va shartnoma imzolay olmayapti.

Barcha chempionlik kamarlaridan voz kechgan Aleksandr Usik kelasi yili amerikalik Deontey Uaylder bilan uchrashishni rejalashtirmoqda va bu jang bilan professional faoliyatini yakunlashi mumkin.